عوامی ایکشن کمیٹی سے مذاکرات کی خبریں بے بنیاد ہیں، ریاست کا امن تباہ کرنے والوں سے کوئی مذاکرات نہیں ہوں گے، اشفاق گجر

کوٹلی (آواز نیوز): سابق کوآرڈینیٹر کونسلر اشفاق گجر نے عوامی ایکشن کمیٹی کے ساتھ مذاکرات سے متعلق گردش کرنے والی خبروں کو سختی سے مسترد کرتے ہوئے انہیں بے بنیاد اور من گھڑت قرار دیا ہے۔ اپنے بیان میں اشفاق گجر نے کہا کہ عوامی ایکشن کمیٹی کے ساتھ مذاکرات کے حوالے سے پھیلائی جانے والی خبروں میں کوئی صداقت نہیں۔ ان کا کہنا تھا کہ جن عناصر نے آزاد جموں و کشمیر کے امن و امان کو نقصان پہنچایا، ان کے ساتھ کسی صورت مذاکرات نہیں ہونے چاہییں۔ اشفاق گجر نے عوامی ایکشن کمیٹی کی سرگرمیوں پر سخت تنقید کرتے ہوئے کہا کہ جن اقدامات سے ریاست کا امن متاثر ہوا، ان کی ہم پہلے دن سے مخالفت کرتے آئے ہیں۔ ان کے بقول عوامی ایکشن کمیٹی نے جو طرزِ عمل اختیار کیا، وہ انتہائی غلط اور ریاستی مفادات کے منافی تھا۔ انہوں نے مزید کہا کہ آزاد کشمیر میں امن و استحکام کا قیام اولین ترجیح ہونی چاہیے اور ایسے عناصر کے ساتھ مذاکرات کا کوئی جواز نہیں جن کے اقدامات سے ریاست میں بدامنی پیدا ہوئی۔ اشفاق گجر نے واضح کیا کہ عوامی ایکشن کمیٹی سے مذاکرات کے حوالے سے زیرِ گردش اطلاعات حقائق کے منافی ہیں اور ان خبروں کو درست تصور نہ کیا جائے۔ AWAZ WITH AMER KHAN www.awaznews.live